Владата на денешната седница донесе одлука за одобрување средства од Буџетот на Македонија за 2019 година, во висина од девет милиони денари за замена на системот за греење на студентскиот дом „Кузман Јосифовски Питу” во Скопје.
Со оваа одлука, како што соопшти владината прес-служба, согласно препораките од Планот за чист воздух и од Програмата за намалување на аерозагадувањето на Владата, ќе се замени системот за затоплување на домот за кој сега се користи мазут кој емитира повеќе од 28 килограми PM2.5 и исто толку PM10 годишно.
Студентскиот дом, со оваа одлука, ќе биде претплатен на системот за централно греење во Град Скопје. Трошоците за греење ќе останат слични, додека загадувањето за загревање на студентскиот дом ќе се намали за седум пати, се наведува во соопштението од Владата.
