Пред 15 години, со потписите на тогашниот претседател на Република Македонија Борис Трајковски, поранешниот претседател на ВМРО-ДПМНЕ и премиер Љубчо Георгиевски, претседателот на ПДП Имер Имери и тогашните претседатели на СДСМ Бранко Црвенковски и на ДПА Арбен Џафери, го означија крајот на воениот конфликт.
Преговорите, започнаа во Скопје, продолжија во Охрид, каде завршија со парафирање на документот на 10 август. Три дена подоцна на 13. август 2001 година во претседателската резиденција на Водно во Скопје беше потпишан Рамковниот oхридски договор
Потписници на договорот, во својство на гаранти, беа и специјалните претставници на ЕУ и САД, Франсоа Леотар и Џејмс Пердју, кои учествуваа во преговорите.
Политичкиот договор за надминување на безбедносната криза, и на почетокот беше дочекан со поделени оцени, и за цело време е употребуван за дневно-политички цели, иако се спроведени најголем дел од неговите одредби. Она што беше една од велите, санирање на меѓуетничките односи, се вратија во нормала, со мали „излети“ во овие 15 години, кои се главно инспирираи од коалициските партнери на власт од двата политички блока.
По повод 15-годишнината од потпишувањето на договорот, Секретаријатот за спроведување на Охридскиот рамковен договор утре на Попова Шапка ќе организира конференција на тема „Охридски договор – предизвик и гаранција за интеграција”.
