Кубанските пратеници вчера едногласно го усвоија предлог-законот, со кој на дело се спроведува желбата на Фидел Кастро. Засега не се прецизира какви казни им следуваат на оние кои ќе го прекршат овој закон.
На Куба ниту една улица, ниту плоштад, нема да го носи името на Фидел Кастро, и ниту еден споменик или статуа нема да биде подигнат во негова чест, што е согласно желбата на неодамна починатиот лидер на кубанската револуција, одлучи Парламентот во Хавана.
Кубанскиот претседател Раул Кастро (85) изјави дека неговиот брат Фидел, пред да почине на 25 ноември на 90-годишна возраст, побарал да не се прават споменици или статуи во негова чест, ниту пак улици и згради да се именуваат по него.
Кубанските пратеници вчера едногласно го усвоија предлог-законот, со кој на дело се спроведува желбата на Фидел Кастро. Засега не се прецизира какви казни им следуваат на оние кои ќе го прекршат овој закон.
