Пратениците денеска во Собранието ја продолжуваат расправата по предлогот за поведување постапка за утврдување одговорност на претседателот на Република Македонија, Ѓорге Иванов, поради аболицијата од 12 април. Ова е четврто продолжение на седницата за иницијативата за импичмент на Иванов, поднесена од пратениците на СДСМ и на ДУИ.
Пратениците од опозицијата сметаат дека со аболицијата на 56 лица, политичари и ниви соработници, Иванов извршил општ акт на амнестија и со тоа директно навлегол во надлежноста на Собранието, прекршувајќи го Уставот.
Ставот на ДУИ е дека аболицијата била непромислена одлука на претседателот, која ја продлабочила политичката криза.
Од владејачката партија сметаат дека Иванов не треба да си поднесе оставка и дека работел за доброто на државата.
Расправата за одговорноста на претседателот Ѓорге Иванов почна на 13 јуни, а претходно собраниска комисија ја оценуваше основаноста на предлогот поднесен од пратениците на СДСМ и на коалицијата, а поддржан од пратениците на ДУИ.
Пратениците петти ден ќе расправаат за импичментот на Иванов
