Премиерот на Косово Албин Курти денеска ја посети општина Чаир, каде заедно со градоначалникот на општината Висар Ганиу и пратеникот како и иницијатор на Политичката партија Демократско движење Изет Меџити ја промовираа улицата со името „Адем Демачи“. На пречекот на Курти и инаугурацијата на улицата учествуваа стотици граѓани, како и членови на семејството на Адем Демачи, дипломатскиот хор, претседателот на Движењето Беса и градоначалник на општина Тетово, Билал Касами, пратеникот и претседател на Алтернатива Африм Гаши.
Градоначалникот на Чаир, Висар Ганиу рече дека Адем Демачи е симболичниот борец за слободата и независноста на Косово, писател, човек на мирот. Ганиу додаде дека Демачи бил и останал единствена и обединувачка фигура.
Додека премиерот на Косово Албин Курти истакна дека во Косово има неколку улици кои го носат името на Адем Демачи, но именувањето на улица овде во Северна Македонија, во општина Чаир, има посебно значење.
Пред присутните се обрати и внуката на Адем Демачи, Фиторе Шаини.
