Претседателот на Младинската организација на ДОМ Бојан Петровски на регионалната средба на Зелената балканска мрежа која се одржа во Црна Гора ја официјализираше соработката помеѓу МОДОМ и младинската организација на УРА од Црна Гора. Петровски и потпретседателката на Forum mladih URA Лилјана Петковиќ ќе го потпишат меморандумот за соработка кој предвидува заеднички активности на младите од двете држави.
МОДОМ и УРА ја најавуваат и првата зелена младинска платформа на балканот во која ќе бидат вклучени сите подмладоци на зелените политички партии од цел Балкан со цел заедничко делување и соработка преку која младите од регионот заедно ќе ја водат борбата против климатските промени, борбата за поголемо вклучување на младите во сите процеси на креирање на политики и развој на визијата за зелен и одржлив Балкан.
