Бензинот ЕУРОСУПЕР БС-95 и Екстра лесното масло за домаќинство (ЕЛ-1) од ноќеска на полноќ поевтинуваат за 3,50 денари по литар, дизел горивото ЕУРОДИЗЕЛ (Д-Е V) за три денари, а за два денара бензинот ЕУРОСУПЕР БС-98, одлучи денеска Регулаторната комисија за енергетика.
Новата цена на литар ЕУРОСУПЕР БС-95 ќе изнесува 90 денари, а 92 денари на ЕУРОСУПЕР БС – 98. Литар ЕУРОДИЗЕЛ БС (Д-Е V) ќе чини 90 денари, а Екстра лесното масло (ЕЛ-1) 87,50 денари.
Се намалува и малопродажната цена на Мазутот М-1 НС за 0,557 денари и ќе изнесува 52,786 денари по килограм.
