„Низ фотографскиот објектив на ,Македонида’, уметноста на средновековните цркви во Охрид и Охридско“ е насловот на изложбата на фотографии што ќе биде отворена вечерва, во 19:30 часот во Музејот на град Скопје. Воедно на настанот ќе биде промовирана и веб-страната „Регистар на средновековни цркви во охрид и охридско“.
Изложбата ја организира Гордана Велков од Здружението на граѓани „Македонида“, а е поддржана од Министерството за култура. Стручен соработник е м-р Владимир Таневски, а фотографиите се на д-р Мишко Тутковски.
Фотографиите од изложбата се објавени во книгата Seven Churches in Ohrid, издадена од „Македонида“ во 2022 година. Истражувањето и подготовката на веб-страницата за регистер на византиските цркви во Охрид е проект поддржан од Фондацијата „Ричард Х. Драјхаус“ од Чикаго, САД.
