Изложбата “Традиционални садови од дрво” од 2009 год, во авторство на Милка Крстевска публикуван е каталог кој може да се погледне на следниот линк
![](https://denesmagazin.mk/wp-content/uploads/2021/10/244792473_5031999776833583_9026624799043567800_n.jpg)
На оваа изложба се застапени садови што имале широка употреба во секојдневниот домашен живот, како и садови кои се користеле при вршењето на разни земјоделски активности.
![](https://denesmagazin.mk/wp-content/uploads/2021/10/244829121_5031999770166917_4515546834659857138_n.jpg)
Предметите датираат од почетокот на 20 век, а територијално ја покриваат речиси цела Македонија. При нивната изработка не постојат урнеци, мајсторот сам го креирал нивниот облик, воден од своите потреби, умешност и креативност.
![](https://denesmagazin.mk/wp-content/uploads/2021/10/245021774_5031999780166916_2911797676037800208_n.jpg)
Дрвото како природен материјал кое само по себе дава готови форми, лесно за обработка и широко распространето во околината, наоѓало голема примена во изработката на разни предмети. Најголем број од садовите се изработени во техника на длабење и делкање со помош на алатките: гребалка, земалка, лодарче, грибло, ќулум, бетемија, нож, тесла и секира.
![](https://denesmagazin.mk/wp-content/uploads/2021/10/245065994_5031999773500250_2006376304195742709_n.jpg)
Според својата функција традиционалните садови од дрво може да се поделат на две групи, а тие во неколку подгрупи: садови за домашна употреба и садови за разни земјоделски активности.
![](https://denesmagazin.mk/wp-content/uploads/2021/10/244986601_5031999783500249_1476297338782348982_n.jpg)
![](https://denesmagazin.mk/wp-content/uploads/2019/12/SEMM-baner_MK.jpg)