Македонскиот писател со интернационално реноме и претседател на ИУ Еуропа Прима од Скопје, е избран за член на меѓународната редакција за објавување на Интернационален речник на глобални студии (Dictionnaired’ÉtudesGlobales).
Зад овој значаен универзитетски проект во кој се вклучени академски авторитети од повеќе европски и светски универзитети, стојат Францускиот институт за комуникации, Универзитетот Пантеон Асас Сорбона II и Катедрата на УНЕСКО за Светски студии, при Универзитетот Алберта од Португалија.
Плевнеш е избран како автор на енциклопедиската единица: „Алтернативите во духовната, политичката и историската слика на модерниот светот“.
Во уметничкото творештво на Плевнеш, историските алтернативи се присутни во неговиот македонски циклус драми, како што се: „Еригон“, „Македонски состојби“, „Подземна репубилка“, „Р“ и „Вечанта куќа”.
Исто така, и во европскиот циклус, со драмата „Среќата е нова идеја во Европа“, играна на поголем број светски сцени, а за која „Њујорк тајмс“ напиша дека, авторот ги следи патиштата на рефлексијата на античката трагедија до театарот на апсурдот.
Во „Романот за тајната книга“ (според кој е снимен истоимениот долгометражниот француско-македонски филм во режија на Владо Цветановски), Плевнеш пишува за првата интелктуална револуција во Европа.
Низ призмата на Via Sacra Alternativa, за која лондонски „Гардијан“ напиша дека е суштина на европската цивилизација, наспроти политичкиот терор, се одвивало движењето на европскиот духовен отпор, којшто бил брутално ликвидиран од постоечките државни формации, додека тој процес е многу подлабок од „Кодот на Да Винчи“.
Јордан Плевнеш, во својот одговор до Главниот одбор на Интернационален речник на глобални студии ( Dictionnaire d’Études Globales), напиша дека тоа е признание и за македонската култура и за македонското високо образование во европски и светски рамки.
Веле Митаноски
