Судскиот совет на Република Северна Македонија на 523-та седница одржана денеска за претседател на Врховниот суд избран е Африм Фидани, судија на Врховниот суд на Република Северна Македонија.
За судии на Апелациониот суд Скопје, за кривична област избрани се: Марија Клетничка Марковска, судија на Основен кривичен суд Скопје; Оља Ристова, судија на Основен кривичен суд Скопје; Иван Џолев, судија на Основен кривичен суд Скопје и Бетим Јахја, судија на Основен суд Тетово.
За судии на Апелациониот суд Скопје, за граѓанска област избрани се: Елизабета Настов, судија на Основен граѓански суд Скопје; Софија Миленкова, судија на Основен граѓански суд Скопје; Цветанка Сиљаноска Костадиновска, судија на Основен граѓански суд Скопје; Кети Германова, судија на Основен граѓански суд Скопје; Благица Ѓошевска, судија на Основен суд Крива Паланка и Артан Лимани, судија на Основен граѓански суд Скопје.
