Четири годишниот Џеваир Усеини, кој беше искасан од кучиња во петокот, денеска околу 13 часот им подлегнал на повредите и починал на универзитетската клиника КАРИЛ во Скопје.
Малиот Џеваир беше нападнат од кучиња во селото Бачишта, Кичево. Детето беше на апарати за дишење три дена, во критична и животозагрозувачка состојба. На скопските клиники било примено во тежок хеморагичен шок. Било распарчено од кучињата, со искинат стомак, имало тешки повреди и скршеници на черепот и градниот кош. Операцијата траела повеќе од 4 часа и лекарите морале да ги извадат едниот бубрег и слезинката.
Пред три дена детето беше нападнато од група кучиња кога сакало преку нива да отиде со соседната куќа каде бил неговиот татко.
Од МВР информираат дека ќе биде направена обдукција.
