На 10 ноември, во 20 часот, во Музејот на современа уметност – Скопје предавање со физичко присуство ќе одржи уметникот Ден Тарнер. Насловот на предавањето е „Ромската современа уметност против структурната нееднаквост“.
Разговорот со уметникот ќе го води Артан Садику.
Ден Тарнер е еден од уметниците чии дела ќе бидат изложени на претстојната изложба „Се што имаме заедничко“, во организација на Музејот на современа уметност во Скопје и во партнерство со Биеналето „Манифеста“, која ќе биде отворена на 8 ноември.
Ќе разговараме за уметничката практика на Тарнер низ борбата која отсекогаш била за тоа како да се направи уметност што не го негира неговото наследство. Тоа е медитација за минатото, сегашноста и иднината, гледајќи како ромската современа уметност може да ја поддржи ромската заедница и нејзините вредности и да обезбеди алтернативна форма на активизам во справувањето со структурната нееднаквост. Сè повеќе богатството на оваа култура инспирира нови идеи за работа, а тој дошол до сознание дека неговата култура и идентитет се и негова пракса.
Ден Тарнер е уметник и едукатор од Лондон, Ром роден во Кент чие семејство сè уште е со седиште во Југоисточен Лондон со многуте блиски асоцијации со ромската култура. Студирал на Уметничката школа Central St Martins како дипломец по ликовна уметност (скулптура). Неговата работа ги надминува медиумите и вклучува скулптура, видео и сликарство. Неговото дело Seeds of Healing беше прикажано во FUTUROMA на Биеналето во Венеција 2019 година. Во 2020 година тој изложуваше во Велс, во проектот Gypsy Maker, поддржан од Ромската културна и уметничка компанија и во Берлин во галеријата Kaidikhas. Тој изведе онлајн перформанс и инсталација за Meadow Arts, Обединетото Кралство, поврзана со караваните и животот на Ромите сега. Неговото видео дело, Patteran, беше избрано за 50-та online изложба на Конгресот на Славење на Ромите, во 2021 година. Неговиот филм Glamour беше прикажан како дел од фестивалот Еstuary 2021 година, ОК. Неговите постер дела се прикажани како дел.2 на Ромско биенале во Берлин. Неодамна, учествуваше во Art and healing, Придонес на Ромите во Европа во Шафхоф – Европска куќа на уметноста во Горна Баварија. Тој исто така придонесува за блогот ERIAC RomaMoma. Неговата следна изложба ќе биде во Музејот на современа уметност, Скопје во ноември 2022 година.
