Студениот бран пристигна и во Македонија и донесе снег на планините, особено во западните и во северозападните предели од Македонија.
Снег има на Попова Шапка и Маврово, Лабунишки Бачила, Јабланица.
Врнежи од дожд и снег на планините ќе има и денес, како и во следните денови, особено за време на викендот кога се очекуваат нови поинтензивни врнежи. На планините ќе се формира и снежна покривка.
Ќе дува слаб до умерен северозападен, а во западните делови засилен западен ветер.
Во Скопје променливо облачно и посвежо со услови за повремен дожд. Ќе дува слаб до умерен северозападен ветер.
