ВИДЕО: Белградското вечно дерби меѓу Партизан и Црвена Ѕвезда се игра по 165 пат – Кој е поуспешен во дуелите?

Фудбалерите на Партизан и Црвена Ѕвезда денеска го играат 165 -то „вечно“ белградско дерби.

Натпреварот од 9.коло во српската Супер лига се игра во 18 часот на стадионот во Хумска.

Најголемиот натпревар на српскиот фудбал е поздравена од црно-белите како лидери на шампионатот со максимални 21 поен од седум натпревари, додека Ѕвезда е втора со два бода помалку.

Двете екипи влегуваат во дуелот по победите во европските натпреварувања.

Партизан го победи Анортозис со 2-0 на Кипар во четвртокот вечерта, во првото коло од Конференциската лига, додека Ѕвезда истата вечер во Белград ја победи Брага со 2-1, на сстарот од Лига Европа.

На претходните 164 првенствени натпревари против Партизан, Ѕвезда беше поуспешна со 65 победи, црно-белите имаат 47 победи, а 52 натпревари завршиле нерешено.

Како домаќин, Партизан е поуспешен на тие натпревари, досега одигра 81 пат на домашен терен во „вечното“ дерби, победи на 31 натпревар, има 26 нерешени средби, а црвено-белите победија 24 пати.

Партизан и Ѕвезда последен пат играа во финалето на Купот, на 25 мај годинава на стадионот „Рајко Митиќ“, кога црвено-белите победија по изведувањето пенали со 4:3.

Потсетување на нивниот последен дуел…

The post ВИДЕО: Белградското вечно дерби меѓу Партизан и Црвена Ѕвезда се игра по 165 пат – Кој е поуспешен во дуелите? appeared first on Спорти.