Секојдневното штанцање измислени, лажни вести од страна на ВМРО-ДПМНЕ и неуспешните обиди за ширење паника се единствено за покривање на фактот што се уште оваа партија и нејзиното раководство нема јасен став за клучното прашање за иднината на државата.
ВМРО-ДПМНЕ има јасен став и бара амнестија ама нема став за референдумот, нема став за членството во НАТО и ЕУ со зачуван и зајакнат македонски идентитет.
Криминалната ВМРО-ДПМНЕ цели 11 години ја пустошеше Македонија а здравството го доведе до колапс. Здравствената заштита не функционираше, немаше лекови, трудот на лекарите беше потценет, здравствените домови руинирани, а се спроведуваа криминални тендери .
Владата предводена од СДСМ и Министерството за здравство спроведува процес за рехабилитација на здравстениот систем.
Денешните изнесени невистини од страна на ВМРО-ДПМНЕ и нивните курири уште вчера беа целосно демантирани од страна на Министерството за здравство.
Како што беше соопштено споменатата невладина организација не е во функција повеќе од 1 година и никогаш нема донирала инсулин.
Донацијата за инсулин која се споменува е директна донација од страна на Ново Нордиск.
И најважно од се, нема инсулин во Република Македонија кој е со краток рок. Граѓаните може да бидат спокојни.
ВМРО ДПМНЕ-лажирана е целосно прочитана од граѓаните и ова штанцање невистини и лажни вести не поминува.
Време е опозицијата да се разбуди од сонот на лажни вести и да се приклучи на реалноста.
