Движењето за поддршка на креативноста Иво Лауренчиќ – „Браво сине“ и издавачката куќа „Арс ламина“ по повод Светскиот ден на раскажувањето сказни денеска во Градската библиотека „Браќа Миладиновци“ организираат средба со деца-првачиња кои ќе слушнат приказни од едицијата „Бајки од Македонија“.
Приказните кои произлегуваат од усната раскажувачка традиција во Македонија на најмладата популација ќе им ги раскажат млади актери.
„Волшебните приказни од оваа едиција претставуваат модернизиран и адаптиран приказ на сказни од македонското народно творештво собрани од Марко Цепенков и Танас Вражиновски, а публикувани од издавачката куќа „Арс ламина““, соопштија организаторите кои на настанот ќе објават и донација за градските библиотеки низ Македонија.
