“5 ДО 12” ПОВТОРНО ПРЕД СОБРАНИЕ
20 Април 2019, Парк Жена – Борец во 11:55 часот
Почитувани членови, соработници, родители, поддржувачи
Ве очекуваме, сите заедно да одбележиме 2 ГОДИНИ од првиот камп, односно две години граѓански активизам за унапредување на правата на лицата со посебни потреби.
Во изминатите 2 ГОДИНИ, се случија многу работи, вклучително и промена на системот, сега следува и промена на претседател, сепак НИЕ ОСТАНАВМЕ, ТУКА СМЕ И ЌЕ ОСТАНЕМЕ ВО ИДНИНА!
Во Сабота, 20 Април, во 11:55 часот, ќе одржиме ПРЕС КОНФЕРЕНЦИЈА пред Собранието, за да СИМБОЛИЧНО порачаме дека НЕ СЕ ОТКАЖУВАМЕ, и ќе продолжиме да бидеме активни се до конечно остварување на нашите барања и права!!!
За времетраење на собирот ќе направиме пресек на активностите во изминатите 2 ГОДИНИ, и ќе извлечеме заклучоци за постигнатите цели. Ќе анализираме, ќе дебатираме и ќе дефинираме следни цели и стратегија за следната година
Ги повикуваме сите родители, сите лица со посебни потреби и сите оние кои до сега официјално не се приклучија кон 00 да пристапат и да ни се приклучат, затоа што борбата која ја водиме не засега сите.
Нашата мисија и нашата цел не обединуваат без разлика на пол, боја, вера или религија.
Затоа, единствено и само во интерес на нашите деца, ги оставаме на страна политичките и партиските определби и уште еднаш потврдуваме дека НЕ ОТСТАПУВАМЕ се до конечна реализација на нашите барања.
Покажавме дека ЗНАЕМЕ, МОЖЕМЕ И УМЕЕМЕ, сами да се организираме и да се мобилизираме, и да дејствуваме во интерес во интерес на сите следни генерации.
Секако ќе продолжиме го правиме тоа и понатаму!
