Владејачката партија ВМРО-ДПМНЕ денеска ќе го прослави 26 роденден на партијата.
Под слоганот под слоганот „Идеја и дело- посилни од сè”, вечерва во 20 часот ќе се одржи прославата пред Музејот на ВМРО .
Од формирањето на партијата, па досега, ВМРО-ДПМНЕ имала двајца лидери, Љубчо Георгиевски, кој ја раководеше до мај 2003 година, кога на челната позиција доаѓа актуелниот претседател на партијата, поранешниот премиер Никола Груевски. Георгиевски останува во партијата, како почесен претседател до 2004 година, кога поради несогласување со политиката на Груевски, се повлекува од матичната партија и формира сопствена, партија ВМРО-Народна.
ВМРО-ДПМНЕ е една од двете најголемите политички партии во Македонија и е на власт од 2006 година.
Партијата е идеолошки наследник на првобитната ВМРО-Внатрешната Македонско Револуционерна Организација, создадена во 1893 година.
По формирањето, ВМРО-ДПМНЕ беше првата партија која официјално се изјасни за самостојна македонска држава.
