Денеска во Министерството за внатрешни работи на Република Северна Македонија
се одржа средба помеѓу министерот за внатрешни работи на Република Северна
Македонија Оливер Спасовски и амбасадорот на Република Хрватска Н.Е. Нивес
Тигањ.
На средбата двајцата соговорници ја потенцираа одличната соработка меѓу
министерствата за внатрешни работи на двете земји, досегашната, но и поддршката
на која можеме да сметаме и во наредниов период од страна на Република Хрватска
во процесите за започнување на преговори со Европската Унија. Стана збор и за
начините за справувањето со илегалната миграција и соработката со цел поефикасно
справување со обидите за илегален влез на мигранти.
