Со претставата „Чудна случка со кучето во ноќта“, Драмскиот театар-Скопје денеска во 20:00 часот гостува на сцената на театарот „Јордан Хаџи Константинов-Џинот“ во Велес.
Претставата „Чудна случка со кучето во ноќта“ е авторска адаптација на Сајмон Стивенс, работена според мотивите од романот на Марк Хадон. Режисер е Зоја Бузалковска, a драматург е Александра Бошковска.
Костимите се креирани од костимографката Елена Вангеловска и Раде Василев, а сценографијата е на Константин Трпеноски. Авторската музика е на Давид Ангеловски, а кореографијата и фри ранинг-техниката е на Симон Симоновски.
Улогите ги толкуваат актерите: Дамјан Цветановски, Трајанка Илиева-Вељиќ, Александар Степанулески, Емилија Мицевска, Соња Стамболџиоска, Јасмина Василева, Филип Трајковиќ, Стефан Вујисиќ, Златко Митрески и Нела Павловска.
Претставата на гостувањето во Велес ќе ја има својата триесетта изведба.
