Поради ризик од ширење на корона вирусот, Италија одлучи да го забрани влезот на македонски граѓани на нејзината територија. Во групата ризични земји од кои може да се прошири ковид-19 во Италија, влегуваат 13 земји во светот, меѓу кои се : Македонија, Босна и Херцеговина, Бразил, Перу, Чиле, Кувајт, Молдавија, Ерменија, Бахреин, Оман, Панама, Доминиканската Република и Бангладеш.
Образложението дадено од италијанската влада е дека не смее да се загрози жртвата што ја дале Италијанците кон ковид-19 во изминативе неколку месеци. Сите македонски граѓани кои ќе сакаат да влезат во Италија или било кои други странски државјани кои транзитирале низ нашата земја во последниве две недели и сакаат да влезат во Италија, ќе им биде забранет влезот.
Италијанската влада информираше дека ги суспендира сите летови, кон и од овие 13 земји. На веб-страницата на Меѓународниот аеродром Скопје се откажани летовите на „Визер“ од македонскиот главен град кон Рим, Венеција и Милано за наредниве денови.
