Венецуела се наоѓа пред колапс поради тешката економска криза која трае неколку месеци. Претседателот Николас Мадуро одлучи да воведе вонредна состојба, бидејќи земјата веќе подолг период се соочува со голема инфлација, недостиг од храна и од струја.
Само оваа година економијата падна за 8 отсто, инфлацијата се зголеми трипати, а се очекува дека до крајот на годината ќе биде поголема за 700 отсто.
Тешката економска ситуација ги испразнила полиците во продавниците, па недостигот од храна и долгите редици пред маркетите се секојдневна слика за граѓаните на Венецуела.
Поради економската криза, зголемени се криминалот и насилството, а во последните неколку месеци драстично е зголемен бројот на кражби.
Извор meta.mk
http://meta.mk/venetsuela-e-vo-teshka-ekonomska-kriza-i-se-soochuva-so-nedostig-od-hrana/
