“Палмите за кои се потрошија еден милион евра народни пари не беа најавени во никаква предизборна или каква било друга програма на ВМРО-ДПМНЕ и на коалицијата.
Палмите почнаа да се сушат уште во првите месеци од нивното засадување, но набрзина беа заменувани со други палми за да се прикрие нелогичноста на проектот. Сега е очигледно дека резервите се истрошија и дека не може веќе да се залажува јавноста. ЛДП долго време укажува дека долгогодишното безмилосно уништување на зеленилото и масовната сеча на дрвата заради неодржливата и прекумерна градба, придонесува за и онака големото загадување на воздухот. Наспроти повеќе-децениски дрва со голема зелена маса и апсорпциона моќ, се засадија неавтохтони палми за кои беше јасно дека нема да имаат долг век, реагираат од ЛДП.
Мора да има одговорност за склучувањето договор за набавка на палмите по нереално високи цени и без каква било гаранција на рокот за вегетација на овие дрва од страна на увозникот и на производителот, што е сосема нормално за ваков вид договори.
Одговорноста за овој целосно промашен проект треба да ја сносат Владата, ЈП „Македонски шуми“ и градоначалникот на град Скопје, велат од Либерално-демократската партија.”
