Министерството за внатрешни работи во текот на вчерашниот ден спроведе акциска контрола за санкционирање на возачите кои управуваат возило под дејство на алкохол. Вкупно на територијата на целата држава се санкционирани 65 возачи, од кои најмногу на територија на СВР Битола – 12, како и на СВР Велес и СВР Куманово – по 10.
Засилените контроли продолжуваат и во наредните денови. Апелираме учесниците во сообраќајот да ги почитуваат правилата и прописите и заеднички да придонесеме за поголема безбедност.
