По повод 60 годишнината од формирањето и функционирањето на Државниот архив – одделение Тетово, денеска беше отворена изложбата “Документарното богатство на тетовскиот Архив”.
Покрај изложбата денеска беше промовирана и книгата “Преглед на национализираните наемни згради и земјиште во градежниот регион на Тетово 1958-1963”, приредена од м-р Младен Матовски.
На промоцијата зборуваа директорот на Државниот архив, д-р Емил Крстески, раководителот на Државниот архив – Одделение Тетово, м-р Младен Матовски и еден од авторите на изложбата, д-р Бранислав Светозаревиќ.
