Еврокомесарот за проширување и соседска политика, Јоханес Хан, на својот профил на „Твитер“ вчера ја поздрави одлуката на Собранието да го закаже референдумот за Договорот со Грција за 30 септември.
„Ја поздравувам одлуката да се одржи референдум на 30 септември за историскиот договор. ЕУ го поддржува овој договор и неговата имплементација како симбол на помирување и добрососедски односи во регионот. Ги повикувам сите граѓани на Македонија да го искористат своето демократско право на глас. Се работи за нивната земја и нивната иднина“, порача Хан.
