Во Националната галерија – објект Чифте амам, денеска, 5 декември, во 19:00 часот ќе биде отворена изложбата „Музеј на детството“ на ликовниот уметник и професор Ешреф Ќахили од Приштина, Косово.
Изложбата „Музеј на детството“ опфаќа триесетина дела во техника масло на платно и комбинирана техника. Куратор на изложбата е Маја Крстевска, виш кустос во Националната галерија. Изложбата ќе биде достапна за публиката до 18 декември 2023 година.
Ќахили првпат изложува во Националната галерија, а проектот е во рамките на билатералната културна размена меѓу Република Северна Македонија и Косово.
