Деска се одржува големата крводарителска акција посветена на големиот хуманист Тоше Проески во знак на одбележување на неговиот роденден. Организатори на крводарителската акција се Црвениот крст на Град Скопје, Општинската организација на Црвен крст Центар, Институтот за Трансфузиона медицина и Тоше фан форум клубот. Поддршка кон акцијата ќе дадат и волонтерите од Клуб 25- клуб на млади крводарители, мотиватори како и волонтерите од Клуб на млади на Црвен крст Центар.
Акцијатата ќе се реализира на во холот на Дом на АРМ, во периодот од 09:00-17:00 часот.
Од Црвениот крст на Град Скопје велат дека ликот и хуманото дело на Тоше Проески се позитивен пример и поттик за многу млади личности кои токму на овој датум даруваа крв, но и мотивација за повеќекратните дарители да продолжат со хуманиот чин.
Традицијата за одржување на крводарителски акции во спомен на Тоше Проески започна во 2010 година и истите се реализираат во негова чест. До сега, на овие 14 акции, својата хуманост преку чинот на дарување крв ја покажале над 4 500 крводарители.
