Овен
Можеби можевте да направите повеќе, но нема причина да бидете незадоволни. Сега сите свои сили ќе ги насочите да го зацврстите тоа што го постигнавте во приватниот живот. Посветете се на партнерот и со него развивајте позначајна интимна приказна. Тоа ќе даде резултат.
Лежерноста не ја префрлајте на работното место. Таму од вас ќе се бара повеќе труд, а особено во дејности каде што треба да покажете креативност пред публика. Ќе се обидувате да се вложувате себеси само толку колку што е потребно, без да бидете свесни дека и на тој начин се доаѓа до успех. Во меѓувреме, не заборавајте да излезете во природа.
Бик
Незаинтересираноста и фрустрациите сè повеќе ќе го оптоваруваат вашиот љубовен живот. Битно е да останете трпеливи и да имате на ум дека сè е од минлив карактер. Затоа одржувајте го мирот во врската додека да помине бурниот период.
Љубовните проблеми внимавајте да се прелеат и на вашето професионално ангажирање. Продолжувате да развивате сè подобра кариера, иако тоа што го планиравте за оваа недела, нема да се оствари. Тоа нека не ве разочарува, зашто работите и онака се развиваат во позитивна насока.
Близнаци
Во следните неколку дена ќе се случува постепено подобрување на состојбите во вашиот приватен живот. Луѓето повторно ќе станат отворени со вас, а и обратно. Многумина ќе ја освежат својата врска, така што ќе излезат на убаво место. Тие што се сами ќе се разбудат од зимски сон и ќе излезат од дома.
Работните задолженија и планови ќе ви се остваруваат полесно, особено зашто тоа што го чекавте од другите, конечно се заврши. Тоа ќе даде појасни насоки кон кои треба да ја насочите работната енергија.
Рак
Малите проблеми во приватниот и во љубовниот живот ќе бидат ублажени со позитивните влијанија од другите области од вашата секојдневна преокупација. Многумина емотивните проблеми ќе ги решаваат на тој начин што ќе се свртат кон работните обврски или кон пријателите. Во такво друштво ќе останат додека не наидат на некоја атрактивна можност за поблизок емотивен однос.
На работа ќе имате мали проблеми во комуникацијата со колегите и со претпоставените, но и на тоа поле со леснотија ќе се справите и ќе излезете накрај. Ќе покажете дека сте дораснати на задачите, а на многумина ќе им служите и како пример.
Лав
Тие што се во врска ќе размислуваат како да го зацврстат односот со личноста што им е блиска. Ќе поработат на уште некои правила и ќе втемелат постабилни критериуми во меѓусебното однесување. Тие што се сами, пак, нема да излегуваат премногу, но тоа нема да им пречи да поминат убави мигови во седмицата што следи.
Во однос на кариерата ви следи период со искушенија, надополнети со значителна доза од стресови, борби и докажувања на работното место. Најдобро е прво да согледате што ви се нуди, поставете ги на вага сите материјали и сознанија и потоа дејствувајте. Нема потреба да се избрзува. Држете се до своите планови, зашто секоја неочекувана промена влијае и на вашето здравје.
Девица
Оваа недела добро ќе се опуштите. Ќе почнат да ве интересираат теми за кои со леснотија ќе комуницирате со спротивниот пол. Саканата личност тоа ќе го сфати како да се дистанцирате од неа, но сепак потрудете се да ѝ објасните и поразговарајте со неа за да не ве сфати погрешно.
На работа не можат да се сложат сите коцки во исто време, па не очекувајте да го имате истиот успех како претходно. Сепак, тоа нема многу да ве загрижува, имате доверба во себе и успехот повторно ќе дојде во свое време.
Вага
Пречки и фрустрации се на видик. Тие што се во длабока и стабилна врска, што го познаваат својот партнер, ќе знаат како да го надминат овој не толку пријатен период во односите со партнерот. Тие што допрва почнуваат врска, веројатно, привремено ќе се оддалечат едно од други.
Сепак, на полето на кариерата работите ќе ви изгледаат многу полесни. Сега имате доволно причини да работите без премногу грижи, но напорот нема да изостане. Затоа подобро е плански да се организирате. Духот го води телото, но токму на телото некогаш му е потребен одмор. Внимавајте да не прегорите.
Скорпија
Малку по малку личните врски ќе ги ставите во состојба на мала дистанца. Нема да ви боде толку битно да разменувате нежности, туку само толку колку што е потребно за да се остави во знаење дека сте во врска.
За разлика од емоциите, на полето на кариерата ќе гледате што подобро да ја искористите можноста за напредок или за успех. Некои поради тоа ќе бидат подготвени да работат и прекувремено. Ќе има и такви на кои ќе им биде понудена интересна работа поврзана со значаен проект. Секако, пред што било да направите, ќе треба малку да се прилагодите. Но, над сè, не заборавајте прво добро да се наспиете.
Стрелец
Вашата врска објективно ќе напредува одлично, но самите ќе се обидувате да чепкате по детали што ви се влечат од минатото во вашиот личен свет, без да споделувате со партнерот. Со таквите постапки ќе ја „убиете“ спонтаноста во врската. Затоа е неопходно да не претерувате и да се опуштите.
Бидете професионални. Пред вас се деловни одлуки и потези на кои чекавте подолго време. Сега е мигот да го покажете своето знаење и вештини. Од вас ќе се очекува да покажете лидерски способности пред другите. Сепак, во меѓувреме, не претерувајте и не трошете на луксуз. Привремениот прилив на средства може само да ве залаже.
Јарец
Секојдневните страсти и емоции ќе бидат белег во вашиот приватен живот. Постојано ќе ви се случува нешто убаво, но и динамично. Многумина овој период ќе го запаметат по интензивноста и брзината на случувањата. Не се изненадувајте ако добиете сериозна покана од личност од спротивниот пол.
Во професионалниот ангажман време е да направите селекција од луѓе со кои сте во постојана комуникација. Има многумина со кои трошите драгоцено време за небитни работи и прашања. Потребно е да се ослободите од непотребниот умствен товар. Не заборавајте и по работните обврски да намалите со јадењето и повеќе да се движите.
Водолија
Бидете пријателски и фини со вашата драга личност. Не ги сфаќајте премногу сериозно работите кои не ви одат во прилог на врската. Доаѓа таков период во кој ќе морате да се прилагодите. Тие што умешно ќе прифатат некој компромис, ќе се чувствуваат многу подобро оваа недела.
На полето на работата или едукацијата, ќе развиете комуникација и со личности кои не се поврзани со вашето поле на интереси. Некои поради работни обврски, ќе треба и да патуваат. Таквите патувања ќе ви разбудат нови работни идеи.
Риби
Ќе се чувствувате збунети на емотивен план. Сепак, чувството исполнето со конфузни мисли, бргу ќе исчезне. Наместо тоа, ќе ви се развие чувство дека сте поврзани со целиот свет, а тоа ќе ви изгледа исклучително поттикнувачки. Контактите со спротивниот пол ќе одат во нагорна линија.
На професионален план, ако се занимавате со спорт, сцена, уметност, ви следи креативен период. Тие што се занимаваат со споменатите професии ќе имаат повеќе работа. Другите, пак, на работното место ќе имаат помирни денови.
