Изложбата на астрофотографии „25 години Скопско Астрономско Друштво“ ќе биде отворена на 25 декември во 19 часто во Кинотека.
Веќе четврт век, нашиот поглед е свртен кон небото. Го набљудуваме, истражуваме, учиме за него, едуцираме други луѓе и го фотографираме. Нашата најголема фасцинација ќе ја најдете преточена во фотографии од планетарни маглини каде се раѓаат ѕвезди, гигантски галаксии оддалечени милиони светлински години од нас, комети, метеорски дождови, Сонцето, Месечината и нашиот поширок дом – галаксијата Млечен Пат.Со изложбата сакаме нашиот поглед и нашата фасцинација да ги споделиме со Вас.
Изложбата ќе можете да ја погледнете до 4 јануари 2024.
Влезот е слободен. Изложените фотографии ќе можат да се купат во големина која вам ви одговара.
