Ацо Кабранов на фејсбук го искоментира исказот на Камчев одаден во текот на денешното сведочење во Рекет според кое Бојан Јовановски и Сергеј Варошлија го малтретирале по телефон и го терале да пријавува во полиција, за на крај Јовановски да излезе негов спасител – пренесува Либертас.мк.
-“Утрово неколку новинари ми се јавија да ми пренесат дека Камчев во сведоцењето посочил дека Боки и Сергеј со мутирани гласови ми се јавувале и ми се заканувале. Во интерес на вистината, неколку месеци имав такви јавувања од непознат човек кој се преставуваше дека е од некакво истражно биро од Канада ми го издиктира матичниот број и адреса и ми рече дека сум жртва на сајбер криминал.
Јавувањата траеја неколку месеци и преку ден и во ноќните ццасови И секогаш беа како да ме бара Боки од неговиот број. Истото му се случуваше и на Боки како јас да го барам. Многу пати телефонот на Боки стоеше пред него на маса а мене ми ѕвонесе мојот телефон и се појавуваше неговиот број и секогаш беше истиот човек со истата приказна.
Јас единствено се вознемирив бидејќи го знае мојот матичен број и мојата сметка во банка плашејќи се да не ме задолжи некој. Пријавив во банката каде што имам сметка а потоа и во МВР. Таму кај директорот на БЈБ бев со Боки бидејќи и него му се случуваше истото.
Признавам, се вознемирив кога одејќи по скалите кон канцеларијата на директорот на БЈБ ми заѕвони телефонот и повторно беше тој господинот со опомена дека не е добро што пријавувам во полиција.
Директорот на сајбер криминал во МВР не сослуша и рече ќе провери и ќе се јави. Утредента ме извести дека од МОБИЛНИТЕ ОПЕРАТОРИ добил информација дека постоеле некакви апликации кои се купувале евтино, чинам рече од Србија, и така малтретирале луѓе и дека се немоќни да заштитат од тоа.
Јавувањата продолжија со истата приказна и велеше дека е спремен да дојде да ми пренел некакви информации за што се работи. Секогаш грубо го одбивав, дури и му се дерев да престане да малтретира. Јавувањата продолжија и по притворањето на Боки, последен пат пред 10 тина дена.
Сега сум тотално збунет, не ми е јасно како информацијата стигнала и до сведокот Камчев. Не сум бил цел на закани но бев вознемирен да не биде злоупотребена мојата банкарска сметка и некој да ме задолжи па да морам да враѓам.
Сега ми е јасно дека се било фарса, не знам од кого, но сум бил како во земјата на чудата. Тоа е вистината “– напиша Кабранов.
