Да се напише автобиографија или некоја добра приказна за легендарниот кошаркар Дражен Петровиќ не е лесна задача, а игран филм за неговиот живот ќе биде уште потежок.
Многумина љубители на кошарката сигурно ќе го очекуваат филмот за најпопуларниот играч на поранешна Југославија, а веќе е познато дека ќе го режира Данило Шербеџија, синот на познатиот актер Раде Шербеџија.
Пред сценаристот и режисерот има многу предизвици, но главното прашање е кој ќе го игра Дражен. Со оглед на тоа дека се работи за човек кој бил виртуоз со топката, доста е голем проблем да се најде актер кој нема да се посрамоти пред љубителите на играта под обрачите, а ги има многу на овие простори. .
Сигурно на таа тема најповикана е мајката на Дражен, Бисерка.
– Се согласив дека крајот на филмот за Дражен треба да биде многу емотивен бидејќи неговиот живот беше мелодрама, без одложувања и дополнувања, за да биде онаков каков што навистина му беше животот. А за мелодрамата беше очигледно, начинот на живот, неговиот крај, така мора да биде – вели Бисерка за Вечерњи лист и додава:
– Претходно словенечкиот менаџер од Лос Анџелес ни понуди, Американците да го снимаат играниот филм за Дражен. Сакаа да го откупат правото на името од нас и тогаш ние како семејство да немаме врска со тоа. Но, тоа не ни одговараше, сакавме да учествуваме во тој филм, да имаме емоции, па одбивме. Тоа беше околу 100.000 долари. Сакав нашите луѓе да го снимат тој филм. И тоа да не биде документарен туку игран филм. Тоа е кулминација.
Таа го спомна и актерот кој може да го толкува ликот на нејзиниот син.
– Мислав Чавајда би бил одличен за улогата на Дражен, но тоа мора да го одреди професијата.
View this post on Instagram
Данило Шербеџија, кој ќе го режира филмот, е свесен за предизвикот:
– За мене Дражен е најголемиот досега, а јас сум субјективен секако, но за мене тој е поголем дури и од Мајкл Џордан. Бевме на состаноци со неговото семејство и мајката Бисерка, затоа што на ваков проект не можеш да влезеш без семејството, во случајов на Дражен, да те благослови на некој начин – вели тој за порталот Новости.
За проблемите при изборот на главниот актер рече:
– Не сакам во крупен кадар и супертотали да гледам како актер не знае да игра кошарка. Дражен и топката мора да бидат едно.
Она што е впечатливо е што Мислав нема коса, за разлика од Дражен, па ќе видиме како режисерот ќе го реши тој проблем.
The post Се снима филм за Дражен Петровиќ – Се јави голем проблем околу главниот актер! appeared first on Спорти.
Powered by WPeMatico
