На денешен ден во 1984 година во Сараево беа отворени Зимските олимписки игри.
![](https://sporty.mk/wp-content/uploads/2022/02/saraevo-1.jpg)
На Олимпискиот стадион Кошево, хрватската лизгачка Санда Дубравчиќ го запали олимпискиот оган.
Отворањето на 14-те Зимски олимписки игри го следеа околу 60.000 луѓе на стадионот Кошево и околу две и пол милијарди луѓе на ТВ екраните.
![](https://sporty.mk/wp-content/uploads/2022/02/saraevo2.jpg)
Дојдоа спортисти од целиот свет, 49 репрезентации со над 2.500 спортисти и нивните придружници.
Сараево беше центарот на светот во тие историски 12 дена на слава и гордост.
Словенечкиот алпски скијач Јуре Франко го освои сребрениот медал во велеслалом на радост на домашните навивачи. Тоа беше првиот медал на Југославија на Зимските олимписки игри.
Тогаш се појавија познатите пароли: „Го сакаме Јурек, повеќе од бурек“.
Маскота на Олимписките игри во 1984 година беше незаборавниот Вучко. Гласот на овој сочувствителен волк го позајми најголемата ѕвезда на поранешната Југославија – Здравко Чолиќ.
„Ух, тоа е едно од моите најубави спомени. Кога се започна, ми се јави композиторот Никола Борота и ми рече дека некој треба да го позајми гласот на Вучко додека скија по планините“, се сеќава Чолиќ во едно интервју.
Вучко беше исклучително популарен. Со години по игрите, луѓето во Сараево шетаа во шаловите на Вучко. Купиле речиси сè што имало врска со маскотата.
Најголемите ѕвезди на Игрите во Сараево беа учесници во уметничко лизгање. Најсилен впечаток остави британската двојка Џејн Торвил и Кристофер Дин кои го освоија златниот медал.
Злато освои и лизгачката Катарина Вит од Источна Германија, со што по ова натпреварување ја направи една од најголемите спортски икони на крајот на 20-от век.
Големите светски фаци тогаш беа во Сараево. И денес се прераскажуваат анегдоти поврзани со познатиот холивудски актер Кирк Даглас, кој тогаш уживал во Југославија.
![](https://sporty.mk/wp-content/uploads/2022/02/saraevo-kirk.jpg)
Кирк наводно прокоцкал 100.000 долари во казино во Сараево за само една ноќ. Келнерите го обожаваа, великодушно ги частеше сите, а особено го сакаа во Башчаршија каде воопшто не штедеше …
The post ВИДЕО: Пред 38 години Сараево беше центар на светот – Вучко сите го памтиме, а овој пејач му го позајми гласот! appeared first on Спорти.
Powered by WPeMatico
![](https://denesmagazin.mk/wp-content/uploads/2019/12/SEMM-baner_MK.jpg)