ВИДЕО: Најбогатиот фудбалер на светот доби отказ – 30 пати е побогат од Меси, а тигар му е куќен љубимец!

Фудбалерот за кој се проценува дека е најбогат во светот доби отказ без одиграна минута за сениорскиот тим.

Тоа е Фаик Болкија и внук на принцот од Брунеи. Се проценува дека е „тежок“ повеќе од 20 милијарди долари, но понекогаш ни парите не се доволни да го исполни тоа што го сака.

За споредба, Болкиja е 20 пати побогат од Роналдо, 30 пати од Лионел Меси, 50 пати од Нејмар …

Неговата најголема желба беше да стане фудбалска ѕвезда, а сега доживеа едно од најголемите понижувања. Португалскиот Маритимо го раскина договорот без одиграна минута за нив.

Челниците на клубот се обидоа да му дадат шанса, го испратија во друга екипа, но и таму не се снајде. Најблиску беше минатата сезона кога се најде на клупата за резерви на мечот против Спортинг Лисабон.

Со фудбал почна да се занимава во Англија, беше во младинските тимови на Арсенал, Стоук, Челзи, а во Лестер дојде во 2016 година.

Сепак, тој и „лисиците“ набрзо сфатија дека Премиер лигата е премногу, па реши да замине во Маритимо.

“Јас сум играч кој сака да создава работи на теренот. Ги покривам крилните позиции и играм како офанзивен играч за врска. Сакам да постигнувам голови”, објасни фудбалерот во една прилика.

Роден е на 9 мај 1998 година во Лос Анџелес, а неговиот начин на живот често привлекуваше големо внимание. Многупати на социјалните мрежи се пофалил со домашни миленици, како тигри и леопарди. Има и видео како си игра со тигар во неговата вила.

Има и една интересна приказна дека во една прилика за еден месец потрошил 35 милиони долари.

The post ВИДЕО: Најбогатиот фудбалер на светот доби отказ – 30 пати е побогат од Меси, а тигар му е куќен љубимец! appeared first on Спорти.