ЗАМП ја повлече забраната за емитување на авторски музички дела, која ја донесе во септември лани.
„Ве известуваме дека со Одлука на Собранието на ЗАМП, се става вон сила забраната за јавно емитување авторски музички дела од репертоарот на ЗАМП, што со Одлука на Собранието на ЗАМП беше донесена на 17.09.2016 година. Со оглед на тоа што истекоа сите законски рокови да почне со работа новоформираното здружение СОКОМ МАП, надминати се сите опасности кои се закануваа да го обезвреднат авторскиот труд, авторските права и музичките дела на авторите од земјава, ЗАМП ги известува трговските радиодифузни друштва дека од 03.02.2017 година можат да продолжат со јавно емитување на музички дела од репертоарот на ЗАМП“, се наведуваво одлуката.
Од Здружението за заштита на авторските музички права им се заблагодарија на трговските радиодифузни друштва кои докрај ја испочитуваа забраната, како и на здруженијата од Србија, Хрватска, Словенија, Црна Гора и Босна и Херцеговина, кои застанаа на страната на ЗАМП и забранија емитување на авторски музички дела од нивниот репертоар во земјава.
